térrorchilargha qarshi «yolwas penchisi herikiti» we qayil qilish xizmetliri netijilik bolmaqta
iraqning shimalidiki xaftanin rayonida «yolwas penchisi herikiti» dairiside bölgünchi térrorluq teshkilati p k k ning ikki ezasi ujuqturuldi.
türkiye awazi radiyosi xewiri: dölet mudapie ministirliqining bayanatida «yolwas penchisi herikiti» ning qetiy irade bilen dawamlishiwatqanliqi uqturuldi.
bayanatta, «<yolwas penchisi herikiti> netijiside, iraqning shimalidiki xaftanin rayonida bayqalghan 2 p k k térrorchisi élip bérilghan hawa herikiti arqiliq ujuqturuldi. térrorluq teshkilatining barliq uwisi bashlirigha düm kömtürilidu» déyildi.
yene bir tereptin, shirnak saqchilirining qayil qilish xizmetliri netijiside, p k k ezasi bir ayal térrorchi mardinning nusaybin rayonidiki süriye chégrasi bixeterlik qisimlirigha teslim boldi.
«M. B» isimliq térrorchi ailisidikiler bilen körüshkende, muxbirlargha bayanat bérip, 2015 - yili ailiwi seweblerdin bu teshkilatqa qatnashqanliqini, bu mezgilde iraq we süriyening shimalidiki térorluq teshkilati YPG / PKK ning ayallar qoli YPJ ichide paaliyet qilghanliqini éytti.
yéqindin buyan teshkilattin qéchip teslim bolghanlarning ailisidikiler bilen uchrashqanliqidin tesirlengenlikini bildürgen «M. B» isimliq térrorchi: «men bu teshkilatqa qatnashqanliqimdin pushayman qildim, ailemdikiler bilen bir yerge jem bolalighanliqimdin xushalmen» dédi.
