türkiye iraqqa tébbiy yardem buyumi yollidi
türkiye, wuxen wirusi (kowid – 19) ning zerbisige uchrighan döletlerge tébbiy yardem buyumlirini yollashni dawamlashturmaqta.
türkiye awazi radiyosi xewiri: türkiye, jumhur reis rejep tayyip erdoghanning yolyoruqigha asasen, iraqning wuxen wirusigha qarshi kürishige yardemchi bolush meqsitide, bu döletke maska, yerlik süniy nepeslendürüsh üskünisi, qoghdinish kiyimi we qoghdinish közeyniki qatarliq tébbiy buyumlarni ewetti.
türkiye jumhuriyiti sehiye ministirliqi teripidin teyyarlanghan tébbiy yardem buyumliri paytext enqerediki etimesgut herbiy ayrodurumida türkiye armiyesining a400m tipliq chong hejimlik yük ayropilanigha qachilandi.
iraqqa qarap yolgha chiqqan ayropilandiki yardem eshyaliri sanduqlirining üstige jumhur reislik mehkimisi logosi bilen birlikte mewlana jalalidin rumining «ümidsizlikning arqisida nurghun ümidler bar. qarangghuluqning arqisida nurghun quyashlar bar» we «türkiyedin iraq jumhuriyti xelqige méhri – muhebbet bilen» dégen xetler türkche – erebche qilip yézildi.
مۇناسىۋەتلىك خەۋەرلەر
erdoghan sénégalning sabiq pirézidénti maki sal bilen körüshti
jumhur reis rejep tayyip erdoghan sénégalning sabiq pirézidénti maki sal bilen téléfonda körüshti.
