türkiyening tébbiy yardem buyumliri paragwaygha yétip bardi
türkiye teripidin wuxen wirusi (kowid – 19) gha taqabil turush xizmetliride ishlitishi üchün yollighan tébbiy yardem buyumliri paragwaygha yétip bardi.
türkiye awazi radiyosi xewiri: paragway pirézidéntining repiqisi silwana abdo tiwittér adrési arqiliq bayanat bérip, 281 mingdin artuq tébbiy buyumning dölitige yétip barghanliqini uqturdi.
abdo, türkiyege minnetdarliq bildürüp, «xususen türkiye jumhur reisi rejep tayyip erdoghanning repiqisi emine erdoghangha dölitimizge yollighan séxiylerche yardimi we söygüsi üchün rehmet éytimen» dédi.
türkiye, paragwaygha silwana abdoning, emine erdoghandin dölitining yuqumgha taqabil turush xizmetlirige hemdem bolushini ütünüshidin kéyin tébbiy buyumlarni yollighanidi.
paragwaygha yollanghan tébbiy yardem buyumlirining arisida 50 ming dane qoghdinish kiyimi, 30 ming dane n95 markiliq maska, 100 ming dane opératsiye maskisi, 2 ming dane qoghdinish közeyniki... qatarliqlarning barliqi bildürüldi.
