b d t ashliq we yéza igiliki teshkilati, yawropa ittipaqi we türk kéngishi bozqirni tebriklidi
b d t ashliq we yéza igiliki teshkilatining bash diréktori chü dongyü, yawropa ittipaqi we türk kéngishi türkiye büyük millet mejlisi tashqi ishlar komitétining reisi bash elchi wolqan bozqirning b d t omumiy kéngishining reislikige saylanghanliqini tebriklidi.
türkiye awazi radiyosi xewiri: u, ammiwi ortaqlishish tor béti Twitter sehipiside bu heqte élan qilghan bayanatida mundaq dédi: «türkiyedin wolqan bozqir ependimning birleshken döletler teshkilatining 75 – nöwetlik omumiy kéngishining reislikige saylanghanliqini qizghin tebrikleymen. muhim ishlar küntertip maddiliringlar, b d t ashliq we yéza igiliki teshkilatining aldinqi pilanidiki küntertip maddilirigha mas kélidu.»
yawropa ittipaqi tashqi munasiwetler we bixeterlik ishliri siyasiti aliy wekili josép borélmu bu heqte élan qilghan yazma bayanatida mundaq dédi: «yawropa ittipaqi wolqan bozqir ependimning birleshken döletler teshkilatining 75 – nöwetlik omumiy kéngishining reislikige saylanghanliqini qizghin tebrikleydu.»
malayshiya tashqi ishlar ministiri hisamuddin hüseyin, ammiwi ortaqlishish tor bétidiki sehipiside bu heqte élan qilghan bayanatida mundaq dédi: «olqan bozqir ependimning birleshken döletler teshkilatining 75 – nöwetlik omumiy kéngishining reislikige saylanghanliqini qizghin tebrikleymen.»
türk kéngishining bash katipi baghdad emréyéwmu, bash elchi wolqan bozqirning köp sanliqning awazi bilen birleshken döletler teshkilati omumiy kéngishining reislikige saylanghanliqini qizghin tebriklidi.
wolqan bozqir, 193 döletke wekillik qilidighan birleshken döletler teshkilati omumiy kéngishida ötküzülgen saylamda, 178 döletning qollishigha ériship, omumiy kéngeshning 75 – nöwetlik reislikige saylandi.
türkiyedin birleshken döletler teshkilati omumiy kéngishining reislikige saylanghan tunji shexs bolghan bozqir, 15 – séntebir küni birleshken döletler teshkilatining 74 – nöwetlik omumiy kéngishining reisi bandédin wezipe tapshurawalidu, hemde 2021 – yili séntebirgiche wezipe öteshni dawamlashturidu.
