altun amérika bash elchisi bilen türk médiya mensuplirining ehwali toghrisida sözleshti
türkiye jumhuriyiti jumhur reislik mehkimisi uchur – alaqe ishliri idarisi bashliqi fahrettin altun, amérika qoshma ishtatlirining enqerede turushluq bash elchisi déywid sattérfiéld bilen téléfonda körüshti.
türkiye awazi radiyosi xewiri: fahrettin altun bilen déywid sattérfiéldning téléfon söhbitide, amérikadiki, TRT World ni öz ichige alghan türk médiya organliri xadimliri uchrighan hujumlargha dair endishiler otturigha qoyuldi؛ bash elchi déywid sattérfiéld, washington terepning mesilige yéqindin köngül bölidighanliqini bildürdi.
fahrettin altun, démokratik ellerde tinch usulda namayish ötküzüshning qanunluq heq, zorawanliqning bolsa, herdaim qanunsiz qilmish hésablinidighanliqini tekitlep, amérikadiki 25 – maydin buyan dawamlishiwatqan zorawanliq weqelirini hem fethullahchi térrorluq teshkilati hem süriyediki bölgünchi térrorluq teshkilati p k k / y p g bilen birlikte heriket qiliwatqan antifaning qollap – quwwetlewatqanliqini qeyt qildi.
téléfon söhbitide, türkiye jumhuriyitining buningdin burunmu herxil wasitiler arqiliq fethullahchi térrorluq teshkilati we p k k / y p g térrorluq teshkilatliri mesiliside dostane agahlandurghan dosti we shimaliy atlantik ehdi teshkilati – nato ittipaqdishi amérika bilen birlikte barliq térrorluq teshkilatlirigha qarshi küreshte yéqin hemkarliq ornitishni dawamlashturuwatqanliqi tilgha élip ötüldi.
