türkiye amérikadiki puqralirini qayturup kélish üchün mexsus ayropilan seperlirini ishqa ashuridu
«wuxen wirusi» sewebidin amérika qoshma ishtatlirida qalghan türkiye puqraliri üchün türkiye hawa yolliri shirkiti niyu york, chikago, xyuston we miamidin mexsus ayropilan seperliri orunlashturidu.
türkiye awazi radiyosi xewiri: türkiyening washington eljixanisi teripidin bu heqte élan qilinghan yazma bayanatta eskertilishiche, türkiye hawa yolliri shirkiti 15 – may küni niyu york we chikagodin, 16 – may küni xyustondin, 17 – may küni miamidin mexsus ayropilan seperliri orunlashturidiken. uchush küni yaki uningdin burun «wuxen wirusi» bilen yuqumlanghan yoluchilarning uchushigha ruxsetn qilinmaydiken. türkiye puqraliri türkiyege keltürülgendin étibaren uda 14 kün karantin astida tutulidiken.
amérika qoshma ishtatliri bilen türkiye otturisidiki ayropilan seperliri 27 – 28 – martta toxtitilghanliqtin, türkiyege kélelmigen türkiye puqraliri üchün, türkiye hawa yolliri shirkiti 23 – 24 – aprél künliri washington, niyu york we los anzhéléstin uda mexsus 3 qétimliq ayropilan seperlirini ishqa ashurghanidi.
