idlibta türkiye – rusiye 9 - qétim ortaq charlash élip bardi
süriyening idlib rayonida türkiye qisimliri bilen rusiye qisimliri 9 – qétim ortaq charlash élip bardi.
türkiye awazi radiyosi xewiri: türkiye dölet mudapie ministirliqi teripidin bu heqte élan qilinghan bayanatta mundaq déyildi: «türkiye – rusiye kélishimi dairiside, idlibtiki ‹M4› tash yolida türkiye qisimliri bilen rusiye qisimliri 9 – qétim quruqluq hem hawa unsurlirining ishtirak qilishida ortaq charlash élip bardi.»
jumhur reis rejep tayyip erdoghan bilen rusiye pirézidénti wiladimir putin, 5 – mart küni rusiyening paytexti moskwada kélishim tüzgenidi.
türkiye bilen rusiye, idlib sürkilishni azaytish rayonidiki alaqe liniyesini boylap, barliq herbiy paaliyetlerning 6 – marttin bashlap toxtitilghanliqini bildürgenidi. buningdin bashqa yene, ikki dölet, « M4» tash yolining shimalida 6 kilométir, jenubida 6 kilométir chongqurluqta bir bixeter karidor shekillendürüsh we « M4» tash yolining bir bölümide ortaq charlash élip bérish mesiliside birdeklik hasil qilghanidi.
مۇناسىۋەتلىك خەۋەرلەر
türkiye ghezzege yardem bérishte aldinqi orunda turidu
türkiye ghezzege insanperwerlik yardem bérishte dunya boyiche aldinqi orunda turidu.