türkiye israiliyege qattiq naraziliq bildürdi
türkiye israiliyening qanunsiz olturaq rayonlirining dairisini kéngeytish qararigha qattiq naraziliq bildürdi.
türkiye awazi radiyosi xewiri: türkiye tashqi ishlar ministirliqi teripidin bu heqte élan qilinghan yazma bayanatta mundaq déyildi: «israiliye dölet mudapie ministiri naftali bénnétning, ishghal astidiki iyordan deryasining gherbiy qirghiqigha jaylashqan efret olturaq rayonida minglarche qoshumche bina sélinishigha imkaniyet yaritip béridighan shekilde kéngeyytilidighanliqini jakarlishi, israiliyening qanungha riaye qilmaydighan perwasizlarche pozitsiyesining eng axirqi ülgisidur. israiliye <wuxen wirusi> pütkül dunyagha tehdit séliwatqan, tinchliq we muqimliqqa eng köp éhtiyaj tughuluwatqan halqiliq bir peyttimu, ichki mesililer sewebidin pelestin xelqining heq – hoquqlirini depsende qilishni dawamlashturmaqta. jümlidin, israiliye pelestindiki ishghal we zulum – sitemlik siyasetlirini künséri chongqurlashturmaqta. pelestin térrotériyeside qanunsiz olturaq rayonlirining dairisini kéngeytish arqiliq ikki döletlik tüzüm pilanini buzushni nishan qiliwatqan israiliyening qanunsiz paaliyetlirini derhal toxtitishi, rayonda tinchliq, muqimliq we bixeterlik ornitish jehettin nahayiti zor ehmiyetke ige. israiliyening birleshken döletler teshkilatining qararlirini öz ichige alghan xelqara qanunni közge ilmasliqtek bu qilmishini yene bir qétim qattiq eyibleymiz, ret qilimiz, qérindash pelestin xelqi we pelestinning heqqaniy dawasining hemishe yénida ikenlikimizni yene bir qétim tekitleymiz.»
israiliye dölet mudapie ministiri bénnét, ishghal astidiki iyordan deryasining gherbiy qirghiqigha jaylashqan qanunsiz yehudiylar olturaq rayonlirida qoshumche 7 ming bina sélish qararnamisini maqullighanidi.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.