türkiyening yawropa ittipaqi wakaletxanisining bir xizmetchisi yuqum sewebidin qaza qildi
türkiyening yawropa ittipaqi daimiy wakaletxanisining bir xadimi wuxen wirusi (yéngi tiptiki tajsiman wirusluq öpke yallughi yuqumi – kowid – 19) din yuqumlinip qaza qildi.
türkiye awazi radiyosi xewiri: türkiyening yawropa ittipaqi daimiy wakaletxanisida ashpezlik qiliwatqan ehmet eghri bir mezgil jiddiy qutquzush bölümide yatqandin kéyin wapat boldi.
dölitimiz (türkiye jumhuriyiti) tashqi ishlar ministiri mewlüt chawushoghlu tiwittér adrésida uchur tarqitip, «yawropa ittipaqi daimiy wakaletxanimizning töhpikar xadimi ehmet eghri qérindishimiz kowid – 19 din dawaliniwatqan biryussélda heqning rehmitige nail boldi. allah rehmet qilsun! ailisi we xizmetchilirimizge sewr tileymen» dégenlerni qeyt qildi.
türkiye yawropa ittipaqida turushluq daimiy wekili bash elchi mehmet kemal bozaymu télégramma tarqitip, ehmet eghri üchün aile – tawabiatliri we ministirliq xadimlirigha teziye bildürdi.
yuqum sewebidin qaza qilghanlar sani 2035 ke, yuqumlanghuchilar sani 22194 ke yetken bélgiyede, wapat bolghan türklerning sani 16 ge yetti.
