erdoghan wirusqa qarshi ikki doxturxana sélinidighanliqini bildürdi

türkiye awazi radiyosi xewiri: jumhur reis rejep tayyip erdoghan wuxen wirusigha qarshi tedbirler ramkisida échilghan ichki kabéntning téléwiziye yighinidin kéyin, bayanat élan qildi.

u wirusqa qarshi qedemmu qedem yéngi qararlarning élinghanliqini bildürüp: «yéshil köydiki atatürk ayrodurumi we sanjaktepede bir qanche ming kishilik doxturxana salimiz. 45 kün ichide bularni pütküzimiz» dédi.

u künlüki 20 mingning üstide wuxen wirusi tekshürüshining élip bérilip muhim musapelerning bésilghanliqini eskertip, doxturxanilarda diyagnoz we dawalashta héchqandaq qiyinchiliqning yoqluqini tekitlidi.

u türkiyening sehiyedin yémek-ichmekke we tashiliq malzimilirigiche yaxshi ehwalda ikenlikini bildürdi we mundaq dédi:

«dölet mushundaq künler üchün bar. namayan qilinghan ittipaqliq, barawerlik we hemkarliq üchün rehmet éytimen. wirusqa qarshi tedbirler ramkisida, xizmet qiliwatqan we wezipe ötewatqanlardin bashqa barliq puqralarning öyide turushini kapaletke ige qilip, kishilerning bérish-kélishlirini eng töwen chekke chüshürüshte qetiy qarargha igimiz. bu wirusning üstidin ghelibe qilish imkaniyitigila emes, belki oxshash waqitta yene, üstün rohi keypiyatqa we qetiy iradige igimiz. öyde ötküzgen künlerde toplighan énérgiyemizdin, inshaallah yéngi dewrde téximu köp ishlep we téximu köp ishlepchiqirip paydilinimiz.»