oktay: seperwerlik herikiti hemkarliqining simwoli

türkiye awazi radiyosi xewiri: muawin jumhur reis fuat oktay t r t ning téléfon ziyaritini qobul qilip, jumhur reis rejep tayyip erdoghanning bashchiliqida «biz özimizge yétimiz türkiyem» shoari astida bashlanghan milliy hemkarliq seperwerlik herikiti toghrisida melumat berdi.

u türk xelqining ittipaqliq we barawerliki üstide alahide toxtilip: «normal waqitlarda ittipaqliq we barawerlikimiz ayrim ehwal, emma béshimizgha bir ish kelgende qeddini tik tutushni, barawer we birlikte bolushni, bir musht bolushni bilidighan xelqmiz» dédi.

u wuxen wirusi xitayda peyda bolghanda, türkiyening her türlük tedbirlerni élishni bashlighanliqini bildürüp: «hazir qiliwatqanlirimiz, élinghan tedbirlerge qoshumche süpitide ittipaqliqimiz we barawerlikimizni, hemkarliqlirimizni körsitip béridighan simwoldur. biz qolimizdin kélidighinini axirghiche qilimiz. bu wirustinimu, bu qiyinchiliqtinimu ittipaqliship, birlikte we küchlük shekilde ötüp kétimiz. bu waqitni, ewladlirimizgha ittipaqliq we barawerlikning örniki süpitide qalduridighan mezgil süpitide esleymiz» dédi.

u xelqqe «öyde qal türkiye» dep chaqiriq qildi.

jumhur reislik uchur-alaqe idarisi bashliqi fahrettin altunmu ziyaretni qobul qilip, seperwerlik herikitini qollidi.