türkiye jiddiy qutquzush karwat sanida birinchi orunda
türkiye eng yaxshi jiddiy qutquzush karwat iqtidarigha ige dölet bolush süpitide diqqet qozghimaqta.
türkiye awazi radiyosi xewiri: dunyada 875 mingdin artuq kishi yuqumlanghan we minglarche kishining jénidin ayrilishigha seweb bolghan wuxen wirusi (Kovid-19) gha qarshi turushta, döletlerning jiddiy qutquzush karwat iqtidari muhim rol oynaydu.
gérmaniyediki bazar we pikir tetqiqat inistitutliri iqtisadiy sahelerdin toplighan istatistikiliq melumatlarni, inglizche, firansuzche, némische we ispanche tillarda élan qildi.
melumatlarda körsitilishiche, türkiye mezkur tizimlikte birinchi rettin orun alghan.
türkiye sehiye ministiri fahrettin koja wuxen wirusigha qarshi turush üchün, dölet igidarchiliqidiki we xususiy doxturxanilar xizmet béridighan 13 ming 211 ilghar téxnikiliq karwatni öz ichige alghan 25 ming 466 jiddiy qutquzush karwitining barliqini؛ türkiyede 100 ming kishige 40 tin jiddiy qutquzush karwitining chüshidighanliqini élan qilghan idi.
bezi döletlerde 100 ming kishige chüshidighan jiddiy qutquzush karwat sani töwendikiche:
amérika-34.7
gérmaniye-29.2
italiye-12.5
firansiye-11.6
jenubiy koréye-10.6
ispaniye-9.7
yaponiye-7.3
engliye-6.6
xitay-3.3
