türkiye yawropa ellirige chégra éghizlirini taqidi

türkiye awazi radiyosi xewiri: ichki ishlar ministiri sulayman soyluning imzasi bilen «wuxen wirusi» gha qarshi  küresh tedbirliri dairiside élan qilinghan qararnamige asaslanghanda,  türkiye chégra éghizlirini gérmaniye, ispaniye, firansiye, awistiriye, norwégiye, daniye, shiwétsiye, bélgiye we gollandiye qatarliq döletlerdin kélidighan yoluchilargha taqighan, türkiyedin bu döletlerge sayahet qilish waqitliq toxtitilghan.

 bügün enqere waqti etigen saet 8 din étibaren ijra qilinishqa   bashlighan qararnamige asasen, mezkur döletlerde turuwatqan 3 – döletning puqralirining 14 kün ichide türkiye chégrasidin ötüshige ruxset qilinmaydiken, mezkur döletlerning puqralirining türkiyedin chiqip kétishige cheklime qoyulmaydiken. türkiye puqralirining yuqirida tilgha élinghan döletlerge sayahet qilishi waqitliq toxtitilghan bolup, bu döletler heqqide xitay, iran, iraq, jenubiy koréye we italiyedikige oxshashla sehiye ministirliqining tedbirliri we belgilimilirige asasen, dawalash, tekshürüsh, kontirol qilish, 14 künlük közitish we zörür tépilghanda karantina astigha élish qatarliq tedbirler qollinilidiken.

«wuxen wirusi» gha taqabil turush tedbirliri dairiside, gérmaniye, firansiye, ispaniye, norwégiye, daniye, bélgiye, awistiriye, shiwétsiye we gollandiye qatarliq döletlerge ayropilan seperlirimu 17 – aprélghiche toxtitilidiken.