erdoghan bilen putin qoshma axbarat élan qilish yighini ötküzdi

türkiye awazi radiyosi xewiri: erdoghan texminen 6 saet dawamlashqan uchrishish hem muzakirilerdin kéyin ötküzülgen qoshma axbarat élan qilish yighinida mundaq dédi: «idlibta yashawatqan 4 milyon insanni térrorchi élan qilip, éghir bombardimangha duchar qilishni qobul qilalmaymiz. beshsher esed hakimiyitidin qachqan 1.5 milyon rayon xelqi chégra rayonlirimizda toplandi. dölitimizning bundaq tehdit aldida qarap turushi mumkin emes.  <idlib sürkilishni azaytish rayoni> 2018 – yilqi <sochi kélishimi> ge asasen shekillendürülgen bolup, bu kélishimni buzghan özgirishlerning birinchi derijilik jawabkari zorawanliqi bilen rayonning tinchliqini hujum nishani qiliwatqan beshsher esed hakimiyitidur. beshsher esed hakimiyitining eskerlirimizni hujum nishani qilghan zorawanliqi netijiside otturigha chiqqan epsuslinarliq weqelerdin kéyin idlibta yéngi bir salahiyet shekillendürüsh sherttur. muzakiriler netijiside idlibta urush toxtitish kélishimi hasil qiduq, kélishim bügün kéchidin bashlap ijra qilinidu. türkiye bu basquchta beshsher esed hakimiyitining qozghashqa tégishlik her türlük hujumigha pütün küchi bilen sahede jawab qayturush hoquqigha ige.»

sahibxan dölet rusiye pirézidénti wiladimir putin mundaq dédi: «halqiliq peytlerde hasil qilinghan kélishimlerni chiqish nuqta qilip, hemishe birdeklik hisil qilishqa muweppeq bolup,  saqliniwatqan mesililerge hel qilish charisi tépip kelgeniduq, bügünmu shundaq boldi. erdoghan bilen puqralarning azab – oqubetlirige xatime béridighan, urush toxtitishqa wesile bolidighan, insanperwerlik yardem mesililiride ilgirilesh hasil qilishta muhim rol oynaydighan bir höjjet tayyarliduq. bu yil jumhur reis erdoghan bilen 3 – qétim yüzturane körüshtuq, bu munasiwet bilen jumhur reis erdoghan ependimge köptin köp rehmet éytimen.»

erdoghan bilen putinning nutuqliridin kéyin, ikki terep otturisida kün boyi muzakire qilinghan höjjet tashqi ishlar ministiri mewlüt chawushoghlu bilen rusiye tashqi ishlar ministiri sérgéy lawrow teripidin oquldi.

igilinishiche, höjjet, idlibta urush toxtitish kélishimining ijra qilinishqa bashlinishi bilen teng, barliq herbiy paaliyetlerning toxtitilishini, « M-4 »  tash yolining shimaliy we jenubida 6 kilométir chongqurluqta «bixeter karidor» shekillendürülüshini, türkiye – rusiye ortaq charlash élip bérish paaliyetlirining, 15 – mart küni bashlinishini mezmun qilidiken.