erdoghan idlib üchün téléfon diplomatiyesini qoyuqlashturdi
jumhur reis rejep tayyip erdoghan yawropa ittipaqi komitétining bashliqi ursula won dér léyén, bulghariye bash ministiri boyko boris, wéngiriye bash ministiri wiktor orban qatarliqlar bilen idlib we süriyediki özgirishler heqqide téléfonda körüshti.
türkiye awazi radiyosi xewiri: jumhur reislik sariyi uchur - alaqe ishliri bashqarmisining bildürüshiche, erdoghan bilen yawropa ittipaqi komitétining bashliqi ursula won dér léyén otturisida élip bérilghan téléfon söhbitide, idlibni öz ichige alghan beshshar esed küchlirining yéqinqi hujumliri we bu hujumlar keltürüp chiqiriwatqan insaniy kirizis heqqide tepsiliy muzakire élip bérilip, hel qilish chariliri nuqtisida ortaq qdemlerni tashlashning zörürlüki toghruluq özara pikir almashturulghan. erdoghan süriye kirizisini hel qilish üchün xelqara jemiyetning téximu köp mesuliyetni öz üstige élishi lazimliqini tekitligen.
erdoghanning bulghariye bash ministiri boyko boris bilen élip barghan téléfon söhbitide, idlib we süriyediki yéqinqi özgirishlerning rayongha körsetküsi tesirliri we hemkarliq ornitish yolida tashlinishqa tégishlik qedemlerni chöridigen halda özara pikir almashturulghan. wéngiriye bash ministiri wiktor orban bilen élip bérilghan téléfon söhbitide bolsa, ikki terep munasiwetliri, dilibtiki özgirishler, süriye kirizisi we bashqa rayonluq mesililer muzakire qilinghan.
