erdoghan: rusiye heyiti türkiyege kélidu

türkiye awazi radiyosi xewiri: erdoghan ezerbeyjan ziyariti harpisida enqere esebogha ayrodurumida muxbirlarning soallirigha jawab bergende, türkiye – rusiye otturisida hem idlibita hem liwiyede bir ixtilap basquchining dawamlishiwatqanliqini tekitlep mundaq dédi: «aldi bilen idlibtiki ixtilapni hel qilishimizgha toghra kélidu. bu heqte rusiye pirézidénti wiladimir putin bilen eng yüksek sewiyede alaqe qiliwatimen, munasiwetlik ministirlirimiz we dölet bixeterlik organlirimizning mesullirimu shundaq qiliwatidu.»

liiwye mesilisi toghriliqmu rusiye bilen muzakirilerni élip barghanliqlirini eskertken erdoghan mundaq dep körsetti: «liwiyede hefter déyilidighan qanunsiz bir shexs bar,  ebu zebi hökümiti uni qollimaqta. tolimu epsuski, rusiyeningmu u yerde <wagnér> dep atildighan 2500 kishilik bir bixeterlik etriti bar. bu etretning iqtisadiy menbesi ebu zebi hökümitidur. bu heqte rusiye bilen söhbet ötküzüwatimiz. hörmetlik putin ependim bilen körüshüp, yol xeritisige qandaq özgirishlerni kirgüzüsh toghruluq muzakirilerni élip bériwatimiz.»

u, rusiyening süriyede beshshar esed küchlirige yardem bériwatqanliqini eskertip mundaq dédi: «bu heqte qolimizda yéterlik delil – ispatlar bar, rusiye terep inkar qilghan teqdirdimu, delil – ispatlar heqiqetni otturigha qoymaqta.»

rusiye pirézidénti wiladimir putin, firansiye pirézidénti émmanuél makron we gérmaniye bash ministiri angéla mérkél bilen ishqa ashurulidighan töt terep bashliqlar yighini heqqide toxtalghan erdoghan munularni qeyt qildi: «rusiyedin bir heyet ete türkiyege kélidu. hepte axirida élip bérilghan téléfon söhbetliri heqqide makron bilen mérkél we putin otturisida toluq birdeklik hasil qilinghini yoq. héchbolmighanda, ilgiri putin bilen békitip chiqqan 5 – mart  küni istanbul yaki enqerede bir yerge jem bolushimiz mumkin.»

u yene, liwiyede ikki eskerning shéhit bolup ketkenlikinimu sözlirige ilawe qildi.