chawushoghlu albaniyede
tashqi ishlar ministiri mewlüt chawushoghlu albaniyening paytexti tiranda türkiye maarip fondi jemiyitige qarashliq niyu york tirana uniwérsitéti balqan tetqiqt merkizining échilish murasimigha qatnashti.
türkiye awazi radiyosi xewiri: chawushoghlu murasimda qilghan sözide, balqan tetqiqat merkizining, türkiye – albaniye otturisidiki qérindashliq munasiwetlirining özgiche simwoli ikenlikini eskertish bilen bir waqitta, bu merkezning, balqan rayonining tarixi, edebiyati, medeniyiti we siyasetliri heqqide tetqiqat élip baridighanliqini, balqan rayonining türkiyege nisbeten nahayiti zor ehmiyetke ige ikenlikini, albaniye bilen türkiyening shimaliy atlantik ehdi teshkilatidiki ittipaqdash döletler ikenlikini, ikki dölet otturisidiki hemkarliqning künséri küchiyiwatqanliqini tekitlidi.
u yene, albaniyede 26 – noyabir küni meydangha kelgen yer tewresh apiti sewebidin albaniye xelqi hem hökümitige teziye bildürdi, türkiyening palaket jeryanida albanyege yardem qolini sunghan tunji döletlerdin biri ikenlikinimu sözlirige ilawe qildi.
ministir chawushoghlu, albaniye ziyariti dairiside, bu yerde yashawatqan türkiye puqraliri we karxanichilar bilenmu bir yerge jem boldi.
