türkiye armiyesi shéhit eskerlerning intiqamini aldi
türkiye armiyesi, esed hakimiyitining kontrolluqidiki 115 orunni oqqa tutup, deslepki melumatlargha asasen, 101 esed eskirini bir terep qildi.
türkiye awazi radiyosi xewiri: beshshar esed hakimiyiti küchlirining süriyening idlib rayonida wezipe ötewatqan türkiye eskerlirige hujum qilip 5 kishini shéhit qilishidin kéyin, türkiye armiyesi, süriye hakimiyitining 115 ornini oqqa tutup, 101 adimini bir terep qildi.
türkiye jumhuriyiti dölet mudapie ministirliqi, hakimiyet küchlirining idlibtiki hujumidin kéyin, türkiye armiyesining intiqam élish belgilimiliride körsitilgen yolluq qoghdinish dairiside derhal qayturma heriketke ötüp, esed hakimiyitining kontrolluqidiki 115 orunni oqqa tutup, deslepki melumatlargha asasen, 101 hakimiyet eskirini bir terep qilghanliqiniuqturdi.
bayanatta, «shéhit we yaridar sepdashlirimizning qéni yerde yerde qoyulmidi, qoyulmaydu. bu xainlarche hujumni sadir qilghuchilardin hésab élinidu we buninggha oxshash hujumlargha – bügüngiche qandaq bolghan bolsa, shu boyiche – yolluq qoghdinish hoquqimizdin eng ünümlük shekilde paydilinimiz. özgirishler yéqindin közitilmekte we tégishlik tedbirler yolgha qoyulmaqta» dégen ibarilerge orun bérildi.
idlibta yüz bergen tünügünki xainlarche hujumda 5 esker shéhit bolghan, 5 esker yarilanghanidi.
