türkiye ilham eliyéw we yéngi ezerbeyjan partiyesini tebriklidi

türkiye, ezerbeyjanda ötküzülgen parlamént ezaliri saylimida üstünlükni igiligen pirézidént ilham eliyéw we uning rehberlikidiki yéngi ezerbeyjan partiyesini tebriklidi.

türkiye ilham eliyéw we yéngi ezerbeyjan partiyesini tebriklidi

türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip, «milliy mejlis saylamlirining qérindash ezerbeyjangha xeyrlik bolushini tileymiz» dégenlerni qeyt qildi.

saylamda qolgha keltürgen utuqliri munasiwiti bilen pirézidént ilham eliyéw we uning rehberlikidiki yéngi ezerbeyjan partiyesi tebriklengen bayanatta, «saylamlarning pütkül dölet miqyasida tinch – aman ötküzülgenlikidin xushalliq hés qilmaqtimiz» dégen ibarilerge orun bérildi.

bayanatta yene, «ezerbeyjan dairilirining saylamlarning démokratik pirinsiplar we ochuq – ashkara bolush ölchemlirige mas ötküzülüshi üchün bashtin buyan serp qilghan küchini we ezerbeyjan xelqining saylam musapiside namayan qilghan aliyjanabliqini teqdirleshke erziydu, dep qaraymiz» dédi.

ezerbeyjanda 5 milyon 387 ming bélet tashlighuchi bar bolup, 125 orundunluq parlaméntqa parlamént ezasi bolup kirish üchün 299 i ayal bolup jemiy 1314 namzat riqabetke chüshti, saylamni 77700 etrapida ezerbeyjanliq, 880 chet ellik nazaretchi közetti.

ezerbeyjan pirézidénti ilham eliyéw, 5 – dékabir (2019) da parlaméntni tarqitiwétip, muddettin burun saylam ötküzüshni qarar qilghanidi.


خەتكۈچ: saylam , ezerbeyjan , türkiye

مۇناسىۋەتلىك خەۋەرلەر