idlibte shéhit bolghan eskerlerning sani altige chiqti
türkiye dölet mudapie ministirliqi idlibte beshshar esed hakimiyitining top bombardimani netijiside yarilanghan bir esker bilen bir xadimning shéhit bolghanliqini bildürdi.
türkiye awazi radiyosi xewiri: dölet mudapie ministirliqi shéhit bolghan eskerler heqqide bayanat élan qildi. ministirliqning bu heqtiki yazma bayanatida, idlibte toqunushlarning aldini élish meqsitide rayongha ewetilgen zapas qisimning orunlishidighan jaylirining kordinatliri aldin bérilgen bolsimu, beshshar esed qisimlirining top bombardimanigha tutulghanliqi xatirilitildi.
hujumda yarilanghan bir esker bilen bir xadimning qutquzush ünüm bermey shéhit bolghanliqi eskertilgen bayanatta, shéhit sanining altige chiqqanliqi qeyt qilindi.
bayanatta, qanuniy qoghdinish hoquqi ramkisida, nishanlarning ot chembirikige élinip, kéreklik jawabning bérilgenliki we buning dawamlishiwatqanliqi tekitlinip mundaq déyildi:
«shéhit we yarilanghan eskerlirimizning qéni yerde qalmaydu, bu qanxor hujumni qilghanlardin hésab sorilidu. buninggha oxshaydighan hujumlarda qanuniy qoghdinish hoquqimizdin keskin paydilinimiz. bizni chongqur qayghugha salghan mezkur weqede shéhit bolghanlargha allahtin rehmet, musibetlik aililirige, türkiye armiyesige we xelqimizge sewr tileymiz.»
