chawushoghlu dawosta barzani bilen körüshti

türkiye awazi radiyosi xewiri: dölitimiz (türkiye jumhuriyiti) tashqi ishlar ministiri mewlüt chawushoghlu, shiwéytsariyening dawos bazirida chaqirilghan 50 – nöwetlik dunya iqtisad munbiri yighini jeryanida iraq kord rayonluq hökümitining bash ministiri nechirwan barzani bilen körüshti.

ministir mewlüt chawushoghlu nechirwan barzani bilen ötküzülgen yépiq uchriishishta, türkiyening, amérika bilen iran otturisidiki sürkilishtin kéyin iraq bilen yéqin hemkarliq ornatqanliqini, kirizisning hel qilinishi üchün aktip tirishchanliq körsetkenlikini eskertti.

mushundaq qiyin peytlerde iraqning birlik we pütünlükining muhapizet qilinishining ehmiyitini tekitligen chawushoghlu, iraqtiki barliq tereplerning döletning birliki we pütünlükini saqlap qélish üchün küch chiqirishi kéreklikini tekitlidi.

u, iraqta bash kötüridighan mezhep xaraktérlik yaki étnik parchilinishning xeterlik aqiwetlerni keltürüp chiqiridighanliqigha isharet qildi we sözini dawamlashturup, «iraq kord rayonluq hökümiti bilen bolghan munasiwetlerni güllendürüshni dawamlashturimiz» dédi.

iraqtiki saqliniwatqan mesililerning baldurraq bir terep qilinip muqimliq ornitilishi üchün türkiyening qolidin kélidighan barliq yardemlerni qilidighanliqini bildürgen chawushoghlu, bu meqsette munasiwetlik terepler bilen körüshüwatqanliqlirini sözlirige ilawe qildi.