erdoghan bilen putin bérlinda körüshti

türkiye awazi radiyosi xewiri: erdoghan gérmaniyening bérlin shehiride liwiye mesilisi yighinigha ishtirak qilish üchün barghan rusiye pirézidénti wiladimir putin bilen körüshti. u uchrishishta söz qilip, «liwiyening tinchliq we xatirjemlikke érishishi üchün bérlin yighinida urush toxtitishni kapaletke ige qilip, mesilisini siyasiy yol bilen hel qilishqa qaytishning qobul qilinishi kérek» dégenlerni qeyt qildi.

«(liwiye milliy birlik hökümiti bash ministiri) fayiz esserrajni qayil qilish üchün nurghun küch serp qilduq. urunushlirimizning asasliq husulini bérlinda alimiz. siyasiy musapining we hel qilish basquchining bashqa amillirining ijra qilinishi üchün (isyanchi) hafter hujumchi pozitisiyesige xatime bérishi lazim» dégen erdoghan, «ortaq tirishchanliqimiz emeliy meydanda nispiy sükünat yaratti, biraq urunushlirimizning asasliq méwisini bérlin yighinida alimiz» dégenlerni qeyt qildi.

rusiye pirézidénti wiladimir putinmu söz qilip, «ikki terep munasiwetlirimizde ikki terep üchün ortaq nuqtilarni tépishni ögenduq. biz bir qatar halqiliq mesililerde birlikte xizmet qiliwatimiz. kélechekke qarita estayidil qedemlerni tashliduq. istanbulda ixtilapliq tereplerni urush toxtitishqa chaqirduq. liwiyediki tereplerning moskwagha kélishi méningche bir utuq. buning üchün tashqi ishlar ministirlirimizgha rehmet éytish burchimizdur. shundaq, bu ortaq bayanatni tereplerning biri qobul qilmighan bolsimu, bu bir utuqtur» dédi.