chawushoghlu: mesilini hel qilish üchün qolimizdin kélishiche tirishchanliq körsitiwatimiz

türkiye awazi radiyosi xewiri: türkiye tashqi ishlar ministiri mewlüt chawushoghlu shiwéysariyening jenwe shehiride échilghan «süriyelik musapirlar kirizisi» yighinida söz qildi.

u 371 ming süriyelikning bixeter shekilde türkiyedin dölitidiki yurt-makanlirigha qaytqanliqini bildürüp: «bixeter we özlikidin qaytishlarning musapirlar kirizisini hel qilidighan uzun muddetlik hel qilish charisi ikenlikige ishinimiz. kéreklik maddiy we bixeterlik sharaitlirini yaritish hemde bixeter halda yurt-makanlirigha qaytishqa ilhamlandurush üchün birlikte ishlishimiz kérek» dédi.

u türkiyening shimaliy süriyediki térrorluq teshkilatlirigha qarshi muweppeqiyetlik halda üch herbiy heriketni emelge ashurghanliqini, idlib jiddiylikni peseytish rayonidin kélidighan yéngi köch dolqunlirining aldini élish üchün munasiwetlik xizmetlerning dawamlishiwatqanliqini qeyt qildi.

u: «süriyede mesilini siyasiy yol bilen hel qilish üchün qolimizdin kelgenni qiliwatimiz. mesilini herbiy jehettin emes, belki siyasiy jehettin hel qilishning birdinbir chiqish yoli ikenlikige ishinimiz. türkiye asasiy qanun komitétining qurulushida muhim rol oynidi. komitétning kéyinki qétimliq uchrishishlirining ünümlük bolushi üchün qolimizdin kélishiche tirishmiz» dédi.