ibrahim qalin amérikida maqullanghan qanun layihesi heqqide toxtaldi

türkiye awazi radiyosi xewiri: jumhur reislik mehkimisi bayanatchisi ibrahim qalin, amérika yuqiri palatasi tashqi munasiwetler komitétining türkiyege, rusiyedin s-400 sétiwalghanliqi we süriyede tashlighan qedemlirini ilgiri sürüp jaza yürgüzüshni mezmun qilghan qanun layihesini qobul qilishigha naraziliq bildürdi.

ibrahim qalin, tünügün jumhur reislik mehkimisi ichki kabinét yighini dawamlishiwatqan esnada metbuat bayanati élan qilip, amérika palatasidiki qedemlerni yéqindin közitiwatqanliqlirini bildürüp, «buning bizning s-400 sétiwélishimizgha, ishlitishimizge qarita bir tesiri bolmaydu. yeni bu layihe dölet mejlisidin ötsimu, ötmisimu, qandaq bolushidin qetiynezer, s-400 ge alaqidar musape dawamlishidu» dédi.

u, amérika bilen türkiye arisidiki F-35 mesilisi toghrisidimu toxtilip, «bu mesile, epsuski, nöwette téxnikiliq yaki mudapie sanaiti mesilisi bolushtin halqip, pütünley amérika ichki siyasitining bir mesilisge aylinip qaldi» dédi.

ibrahim qalin, türkiyening s-400 lerni ishlitishte, F-35 ler yaki nato xewpsizlik sistémisi, F-16 lar weyaki bashqa ayropilan sistémilirida xewp peyda qilmasliqi üchün tégishlik tedbirlerni yolgha qoyidighanliqini chüshendürdi.