altun: türkiye natodin kütkendek qollashqa érishelmidi

türkiye jumhur reislik sariyi uchur-alaqe idarisi bashliqi fahrettin altun türkiyening yéqinqi yillarda natodin kütkinidek qollashqa érishelmigenlikini bildürdi.

altun: türkiye natodin kütkendek qollashqa érishelmidi

türkiye awazi radiyosi xewiri: türkiye jumhur reislik sariyi uchur-alaqe idarisi bashliqi fahrettin altun twittérda inglizche bayanat élan qilip, türkiyening natogha bolghan sadiqliqigha we qoshqan töhpilirige jawaben, xewpsizlik endishelirining axirlishishini emeliy heriket bilen qollaydighan ortaq xewpsizlik istratégiyesi tüzülüshini ümid qilidighanliqini qeyt qildi.

u munularni bildürdi:

«xelqaraliq xewpsizlik muhiti barghanséri éniqsiz boluwatqan mushu künlerde, bir qatar qiyin qararlarni élishi kérek bolghan nato muhim yighingha teyyarliniwatidu. yéqinqi yillarda bixeterlikimizge séliniwatqan tehditler éshiwatqan ehwalda, türkiye istratégiyelik diyalogqa bashchiliq qilinishqa yardem qilishqa teyyar. nato eza döletlerning xewpsizlik endishelirini chüshinishi, étirap qilishi we taktikiliq hemde herbiy heriketni asas qilghan hel qilish charisini tépishi kérek. ittipaqning ortaq bixeterliki peqet we peqet eza döletlerning endishelirining tügishi bilen mumkin bolidu.»

u türkiyening yéqinqi yillarda natodin kütkinidek qollashqa érishelmigenlikini eskertti we sözlirini mundaq dawamlashturdi:

«ittipaqtiki ikkinchi chong armiyege ige bolghan türkiye, natodiki nurghun heriketlerge qatnashti. hesse qoshushni dawamlashturimiz, emma shuning bilen birlikte endishelirimizge munasiwetlik qollashqa érishishnimu kütmektimiz.

nato ittipaqqa we eza döletlerge qaritilghan tehditlerni, bu tehditlerning mahiyitini éniq belgilesh arqiliq hel qilalishi mumkin. kolléktip xewpsizlik, tinchliq waqtida muqimliqning, urush waqtida bolsa, bixeterlikning ul téshidur. eza döletlerning yolluq xewpsizlik qarishi we endishelirining tégishlik shekilde étirap qilinmasliqi, ittipaqni ajizlitish bilen birge, natogha bolghan ishenchnimu ajizlitidu.»



مۇناسىۋەتلىك خەۋەرلەر