«daéshning adem bomba ishliri mesuli qolgha chüshti»
ichki ishlar ministiri sulayman soylu térrorluq teshkilati daéshning adem bomba ishliri mesulining süriyening eziz shehiride tutulghanliqini éytti.
türkiye awazi radiyosi xewiri: soylu bu heqte élan qilghan bayanatida mundaq déyildi: «térrorluq teshkilati daéshning <ebu jihad eddin nasir ubeyde> texellusluq kattibéshi yüsüf huba süriyening eziz shehiride dölet xewpsizlik küchlirimiz teripidin qolgha chüshürüldi, u daésh ichide tesiri küchlük biri bolup, teshkilatning aptomobil bomba ishlirigha mesul idi, pütkül dunyadiki ezalirini tor arqiliq adem bomba paaliyetlirini qandaq élip bérish toghruluq terbiyeleytti. rusiyede 2018 – yilqi aptomobil bomba hujumini élip barghan, gérmaniyening hamburg shehiridiki soda sariyigha hujum qilishni pilanlighan, pütkül dunyadiki paaliyetchilirini aptomobil bomba teyyarlash, özini qoshup partlitish, zeherlik suyiqest ishlitish mesiliside terbiyeleydighanmu mushu térrorchi idi. u hazir süriyede soraq qiliniwatidu.»
