chawushoghlu amérika bilen rusiyeni eyiblidi

türkiye awazi radiyosi xewiri: tashqi ishlar ministiri mewlüt chawushoghlu türkiye büyük millet mejlisi (parlaménti) ning pilan we xamchot komitétida söz qildi.

u: «hazirghiche kélishimdiki shertni orunlidimu?  yaq orunlimidi. orunlinishi kérek» dédi.

u bölgünchi térrorluq teshkilati y p g|p k k ning süriyening shimalidin tazilinishi toghrisida toxtilip: «netije alalmisaq, xuddiy amérika bilen sinaq qilghandin kéyin heriketni bashlighinimizgha oxshash, yene tégishlik ishni qilimiz» dédi.

u türkiyening amérika bilen rusiye otturisida siqiship qalghan dölet emeslikini eskertip: «biz teyyarlighan doklat boyiche muzakire ötküzülüp kélishim imzalandi yaki ortaq bayanat élan qilindi. netijide biz ikki dölet bilen besh kün ichide kélishim hasil qilduq. undaqta, hazirghiche kélishimning shertlirini pütünley orunlidimu? yaq orunlimidi, orunlinishi lazim. biz kélishim boyiche wezipimizni orunliduq, kélishimge xilapliq körülgende kéreklik jawabini berduq.  emma, netije alalmisaq xuddiy amérika bilen sinighandin kéyin heriketni bashlighinimizgha oxshash, tégishlik ishni qilimiz. buningdin bashqa amal yoq. mundaqche éytqanda, biz béshimizdiki térrorluq tehditini choqum hel qilishimiz kérek» dédi.

u yene, daésh térrorluq teshkilatining kattibéshi ebubekir el baghdadi heqqidimu toxtaldi. u mundaq dédi:

«uning eng yéqin adimi bolghan ithawi isimlik kishini tutup iraqqa qayturup berduq. baghdadining ornini u dep berdi.»

u sherqiy aqdéngiz mesilisi üstidimu toxtaldi. u türkiyening emdi ishning béshida ikenlikini, undaq qilmighan bolsa idi, qolidiki netijilerni tutup turalmaydighanliqini eskertip, hem shimaliy qibris türk jumhuriyitining hemde türkiyening heq-hoquqlirini qoghdighanliqlirini qeyt qildi. u mundaq dédi:

«hoquq dairisining belgilinishi mesiliside, sherqiy aqdéngiz etrapidiki döletlerning hemmisi bolmay turup bésilghan her qandaq qedem küchke ige emes. hazir biz üchün küchke ige bolghini, b d t da royxetke aldurghan déngiz tewelikidur.»