erdoghan: ösüm nisbiti téximu töwenleydu
jumhur reis rejep tayyip erdoghan ösüm nisbitining téximu töwenleydighanliqini éytti.
türkiye awazi radiyosi xewiri: erdoghan ijtimaiy parwanliq orgini teripidin istanbuldiki topkapi yighilish zalida ötküzülgen, fatih, siliwri, topkapi we zeytinburnu ijtimaiy parawanliq merkezlirini omumyüzlük ishqa kirishtürüsh murasimida qilghan sözide, % 13.5 ke töwenligen ösüm nisbitining téximu töwenleydighanliqini, 2020 – yili pul paxalliqining bir xanigha chüshidighanliqini eskertish bilen bir waqitta, türkiyening dunyadiki muhim sayahet menzilgahliridin biri ikenlikini, bu yil türkiyege kelgen sayahetchiler sanining 50 milyondin ashidighanliqini tekitlidi, yéqinda amérika qoshma ishtatlirigha qilghan dölet ishliri ziyariti toghriliqmu toxtilip mundaq dédi: «amérika qoshma ishtatlirigha qilghan ziyaritimiz hem uchrishishlirimizning muweppeqiyetlik bolushi, qolgha keltürgen netijilirimiz we armiyemizning <tinchliq buliqi> herbiy herikiti arqiliq bolupmu érishken alemshumul muweppeqiyetliri we zeperliri hemde térrorizmgha qarshi kürishimiz mundaq muhim bir heqiqetni otturigha qoymaqta: eziz xelqimiz bir ishta muweppeqiyet qazanishqa ishengen haman choqum nishanigha yetmey qalmaydu.»
