chawushoghlu: süriyede térrorluq  döliti qurush pilanlandi

türkiye awazi radiyosi xewiri: chawushoghlu türkiye qizilay jemiyitining antalya shöbisi teripidin ötküzülgen «türkiye qizilay jemiyitining dostliri kéchiliki»  paaliyitige qatnashti, hemde bu yerde qilghan sözide,  türkiye qizilay jemiyiti, jiddiy ehwallargha taqabil turush qomandanliq merkizi we türkiye hemkarliq we kordinatsiye idarisi qatarliq orunlardin intayin pexirlinidighanliqlirini,  türkiyening diplomatiye siyasitining dunyaning herqaysi jaylirida aktip ikenlikini eskertish bilen bir waqitta, hem sahede hem söhbet üstilide küchlük bolushning zörürlükini, nöwiti kelgende xuddi «<tinchliq buliqi> herbiy herikiti» dikige oxshashla türkiyening menpeetlirini qoghdash üchün öz küchini namayen qilishi lazimliqini, diplomatiye arqiliq aylarche hepiliship hel qilghili bolmaydighan bir mesilini sahediki küchlük bir heriket arqiliq hel qilghili bolidighanliqini, «<tinchliq buliqi> herbiy herikiti» ning buninggha roshen misal bolalaydighanliqini, jümlidin türkiyening «<tinchliq buliqi> herbiy herikiti» arqiliq hem rusiye hem amérika qoshma ishtatliri bilen kélishim tüzüp, öz nishanigha yetkenlikini, «<tinchliq buliqi> herbiy herikiti» arqiliq süriyede oynalghan suyiqestlik oyunni tarmar qilghanliqlirini tekitlep mundaq dédi: «bezi küchler süriyede térrorluq döliti qurushni pilanlighanidi, emma biz bu chong suyiqestlik oyunni tarmar qilduq, jümlidin peqet térrorchilargha ejellik zebe béripla qalmastin, yene u yerde térrorluq döliti qurush pilani tüzgenlerningmu pilanini buzduq. bezilerning türkiyege selbiy pozitsiye tutushining sewebimu del mushu.»