erdoghan: baghdadining ayali qolgha chüshürüldi

türkiye awazi radiyosi xewiri:  erdoghan paytext enqerediki beshtepe yighin we medeniyet merkizide ötküzülgen enqere  uniwérsitéti ilahiyat fakultéti qurulghanliqining 70 – yilliqini tebriklesh paaliyetlirige qatnashti, hemde bu yerde qilghan sözide, amérika qoshma ishtatlirining süriyede élip barghan herbiy herikiti jeryanida baghdadining özini tunélda öltürüwalghanliqini eskertip mundaq dédi: «biz baghdadining ayalini qolgha chüshürduq, lékin biz dawrang salmiduq؛ bu xewerni tunji qétim bügün ashkarilawatimen. baghdadining qiz qérindishi we yéznisini süriye terepte qolgha chüshürduq. biz bu nuqtida paaliyetlirimizni eng küchlük shekilde dawamlashturuwatimiz.  baghdadi özinng azghun dawasi üchün wehshiylerche mesum kishilerning qénini tökidighan qanxor idi. bu nuqtidin élip éytqanda, musulmanlar hergizmu térrorchi emestur. qilche nomus qilmastin <islamiy térrorizm> atalghusini ishlitiwatqan gherb aldi bilen eynekke qarishi lazim. ey gherb! eger siler térrorchi izdeymez désenglar, bikar aware bolmanglar, chünki térrorchilar aranglarda bar. islamning namini suyiistémal qilip, térrorluq paaliyetlirini élip bériwatqanlarning hemmisining chümperdisini yirtip tashlisanglar, heqiqiy islam düshmenlirini körisiler, fethullahchi térrorluq teshkilatining heqiqiy mahiyitini bilmekchi bolsanglar, kattibéshining qeyerdilikige, kimlerning hémayisi astida ikenlikige qarisanglar bolidu.»