amérika wediside turmisa, heriket qayta bashlinidu

türkiye awazi radiyosi xewiri: jumhur reis rejep tayyip erdoghan istanbulda dolmabahche sariyidiki ishxanisida chet el taratqulirining ziyaritini qobul qildi.

u süriyening shimalida tesis qilinmaqchi bolghan bixeter rayongha 1 milyondin 2 milyonghiche süriyelik musapirning qaytishini pilan qilghanliqlirini bildürüp: «hazir dölitimizdiki 3.6 milyon süriyeliktin 350 mingi bölgünchi térrorluq teshkilati p k k|y p g ning ishghali astidiki jaylardin kelgen kürt (kord) lerdur» dédi.

u türkiye qisqa waqit ichide bir qanche nuqtidin 30 kilométir kenglikke yétip barghanda, tosattin amérika we yawropadiki bir qanche döletlerning özgergenlikini eskertip: «méningche, deslepki bir-ikki kün, türkiye bundaq muweppeqiyetni qolgha keltürelmeydu, dep oylighanliqliri üchün inkasi qattiq bolmidi. türkiyening heriketni muweppeqiyetlik halda axirlashturidighanliqi körülgende, inkaslar eqil we mentiqqe uyghun bolmighan sewiyege chiqti» dédi.

u türkiyening her nuqtidin éytqanda, dunyada misali az körülidighan tézlikte bir heriketni élip barghanliqini tekitlidi. u mundaq dédi:

«türkiye armiye qisimliri rayondin chiqmaydu, chünki u yerdiki bixeterlikning asasi buni teqezza qilidu. 30-öktebirde jenwede chaqirilidighan asasiy qanun komitétining süriyediki siyasiy hel qilish musapisining bashlinish miladi bolushini ümid qilimen. tinchliq buliqi herikitini bashlashqa mejbur bolghanliqimiz üchün qilduq. eslide térrorluq teshkilati p k k-y p g toghrisidiki agahlandurushlirimizgha qulaq sélinghan bolsa, hazir mundaq mesililerge duch kelmigen bolattuq.»

u amérika pirézidénti donald trampning taratqularda ghulghula qozghighan mektubi toghrisida toxtalghanda: «waqti-saiti kelgende bu mesilide tégishlik ish qilinidu» dédi.