erdoghan trampqa jawab qayturdi

türkiye awazi radiyosi xewiri: erdoghan ammiwi ortaqlishish tor béti Twitter sehipiside, amérika qoshma ishtatliri pirézidénti donald trampning süriyede «firat deryasi» ning sherqiy qismida élip bériliwatqan «<tinchliq buliqi> herbiy herikiti» ning 5 kün toxtitip qoyulushi toghruluq ötküzülgen muzakirilerdin kéyinla ammiwi ortaqlishish tor bétidiki sehipiside élan qilghan bayanatigha jawab qayturup mundaq dédi: «hörmetlik pirézidént! insaniyetning bash düshmini bolghan térrorizmni yengginimizde téximu köp insanni qutquzuwalalaymiz. bu ortaq tirishchanliqning rayonimizda tinchliq we muqimliqni ishqa ashurushta muhim rol oynaydighanliqigha ishinimen.»

tashqi ishlar ministiri mewlüt chawushoghlu jumhur reislik sariyida jumhur reis rejep tayyip erdoghan bilen amérika qoshma ishtatliri muawin pirézidénti mayk péns we heyetler ara uchrishishlardin kéyin tünügün kechte bayanat élan qilip, süriyede «firat deryasi» ning sherqiy qismida élip bériliwatqan «<tinchliq buliqi> herbiy herikiti» ning 5 kün toxtitip qoyulidighanliqini esketkenidi.

arqidinla amérika qoshma ishtatliri pirézidénti donald tramp ammiwi ortaqlishish tor béti Twitter sehipiside bayanat élan  qilip, jumhur reis rejep tayyip erdoghangha rehmet éytip mundaq dégenidi: «türkiyedin xush xewer kéliwatidu, milyonlarche insanni ölümdin qutqutup qalalaymiz» dégenidi.