qalin: émbargo tehditliri we eyibleshler türkiyeni térrorizmgha qarshi küreshtin waz kechtürelmeydu

türkiye awazi radiyosi xewiri: jumhur reislik mehkimisi bayanatchisi ibrahim qalin ichki kabinét yighinidin kéyin bayanat bérip, türkiye armiyesining süriyening shimalidiki firat deryasining sherqide élip bériwatqan tinchliq buliqi herbiy herikitining köpligen oyunlarni buzup tashlighanliqini, heriketke qara sürkeshke urunghanlarning süriyediki pichkiliri nopuzdin ayrilip qalghanliqi üchün biaram bolup ghezeplengenlikini, hetta külkilik ehwalgha chüshüp qalghanliqini eskertti.

türkiyening süriyediki kord qérindashliri bilen térrorluq teshkilatini perqlendürüp muamile qiliwatqanliqini tekitligen qalin, daéshqa qarshi küreshningmu qetiy aqsitip qoyulmastin dawamlashturulidighanliqini bildürüp, «türkiyeni tinchliq buliqi herbiy herikiti mesiliside eyibligenlerge daéshchilarni kimlerning némishqa qoyup bergenlikini sorash eng tebiiy heqqimizdur» dédi.

heriketning nishangha yetküche süret bilen dawam qilidighanliqini tilgha alghan qalin, «nishanimiz chégrayimizni térrordin teltöküs tazilashtur» dédi.

süriyediki démografik qurulmini buzghan amilning ne türkiye, ne tinchliq buliqi herbiy herikiti emeslikini tekitligen qalin, buni qiliwatqanlarning térrorluq teshkilati y p g/ p y d / p k k ikenlikini qeyt qildi.

u yene, türkiyening beshshar esed hakimiyiti bilen resmiy uchrishishi yaki alaqisining bolmighanliqini sözlirige ilawe qildi.