ibrahim kalin: daésh mehbuslirini p k k/y p g kozir süpitide ishlitiwatidu

türkiye awazi radiyosi xewiri: ibrahim kalin «BBC» ning bir pirogammisgha qatniship, türkiyening süriyening shimalida qurulmaqchi bolghan térrorluq karidorini yoqutush, rayonda tinchliq we xatirjemlikni barpa qilish meqsitide bashlighan tinchliq buliqi herikiti üstide toxtaldi.

ibrahim kalin türkiye qurmaqchi bolghan bixeter rayonning hergizmu térrorluq teshkilati daéshqa qarshi küreshke ziyan yetküzmeydighanliqini tekitlep, «biz jirablusta daéshqa qarshi küresh qilduq. 5 mingdin artuq ezasini nazaretke alduq. 8 mingdin artuq ezasini döletlirige qayturduq yaki chégradin qoghlap chiqarduq. jirablustila 3 mingdin artuq daésh ezasini ujuqturduq. daéshning qetiy qaytip kélelmesliki üchün xizmetlirimizni dawamlashturaqtimiz. iraqta, süriyede yaki bashqa hemmila yerde» dédi. 

türkiyening buninggha qandaq kapalet béreleydighanliqi heqqidiki soalgha jawab bérip, afrinde, jirablusta we idlibte ishqa ashurulghan xizmetlerni ülge körsetti.

türkiyening süriye xelqi we suriyelik panahlanghuchilarning bixeterliki üchün bashqa döletlerge sélishturghanda eng köp xizmet qilghanliqini, 4 milyongha yéqin süriyelik panahlanghuchigha sahibxanliq qiliwatqanliqini, bu panahlanghuchilarni dölet ichi we sirtikidiki daésh hujumlirdin qoghdawatqanliqini eskertken ibrahim kalin: «daéshqa qarshi kürishimiz dawamlishidu hergiz töwenlep qalmaydu. buningdin bashqa yene, daéshqa qarshi xelqara itipaqdash qisimlar bilenmu hemkarlishishni dawamlashturimiz. yawropa, amérika, iran, ereb döletliri, rusiye we bashqilar bilenmu hemkarlishish dawamlishidu. chünki daésh hemmizning ortaq düshmini. ulargha qarshi küresh qilduq, yene qilishni dawamlashturmaqtimiz» dédi. 

ibrahim kalin tiwittér hésabida tarqatqan uchuridimu «térrorluqqa qarshi kürishimiz héchbir shekilde daéshqa qarshi kürishimizni xewpke ittirmeydu yaki ajizlashturmaydu. daésh mehbuslirini islas urushlarda sodilishish koziri süpitide ishlitiwatqan p k k/y p g dur» dégenler sözlerge alahide orun ajratti.