türkiye: özbékistanning «türk kéngishi» ge toluq eza bolidighanliqidin xushalliq hés qilmaqtimiz

türkiye, özbékistanning türk tilida sözlishidighan döletler hemkarliq kéngishi (türk kéngishi) ge toluq eza bolidighanliqidin xushalliq hés qilidighanliqini bildürdi.

türkiye: özbékistanning «türk kéngishi» ge toluq eza bolidighanliqidin xushalliq hés qilmaqtimiz

türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip, özbékistanning türk kéngishining qurulush bayanannamisi - «nehchiwan kélishimi» ge qétilish yolidiki zörür bolghan üch basquchluq maqullinish musapisini axirlashturghanliqini uqturdi.

qoshulush höjjitining nehchiwan kélishimining kapaletchisi ornidiki türkiye tashqi ishlar ministirliqigha yetküzülgenliki qeyt qilinghan bayanatta, «terepimizmu tégishlik resmiyetlerni bügün tamamlighan bolup, munaswetlik maddining rohigha asasen nehchiwan kélishimi, özbékistan üchün 2019 – yili 14 – öktebirde küchke ige bolidu. dost we qérindash dölet özbékistanning türk kéngishige toluq eza bolushi bilen birlikte, türk dunyasi ichidiki hemkarliq téximu mustehkemlinidu, xelqlirimizning ortaq bayashatliqi we ésenliki üchün ornatqan hemkarliqimiz téximu küchiyidu. özbékistanning türk kéngishige toluq eza bolidighanliqidin xushalliq hés qilidighanliqimizni yene bir qétim ipadileymiz» dégen ibarilerge orun bérildi.



مۇناسىۋەتلىك خەۋەرلەر