erdoghan shimaliy qibris jumhuriyitining bash ministiri bilen körüshti
türkiye jumhur reisi reJep tayyip erdoghan türkiyening sherqiy aqdéngizdiki hidro karbon qédérip tekshürüsh paaliyetlirini qetiy dawamlashturidighanliqini éytti.
türkiye awazi radiyosi xewiri: türkiye jumhur reisi rejep tayyip erdoghan resmiy ziyaret üchün enqerege yétip kelgen shimaliy qibris türk jumhuriyiti bash ministiri ersin tatar bilen körüshkendin kéyin, ortaq axbarat élan qilish yighini ötküzdi.
rejep tayyip erdoghan: «öz heq-hoquqlirimizni qandaq qoghdisaq, qibris türklirining sherqiy aqdéngizdiki we rayondiki menpeetini izchil halda oxshash irade bilen qetiy qoghdaymiz. qibristiki mesilining otturigha chiqishi we bügüngiche yétip kélishi, pütünley rumlarning muresseleshmes pozitsiyesidin bolmaqta» dédi.
u sherqiy aqdéngizning nöwettiki weziyiti üstide toxtilip: «tünügün qibris türklirining qénini töküp aralni qolgha kirgüzmekchi bolghanlar, bügün siyasiy we iqtisadiy hujumliri bilen oxshash meqsetning piyide yürmekte. qibris rum hakimiyiti semimiy we emeliyetchil bolup, muresseleshmekchi bolghandila andin aralda hemme kütken mesilini hel qilish yoli échilidu» dédi.
u sherqiy aqdéngizda türkiyeni we shimaliy qibris türk jumhuriyitini yoq hésablighan her qandaq layihening emelge ashmaydighanliqini eskertip: «hazirghiche yüz bergen ishlardin sawaq almighanlar bolsa, ulargha kéreklik sawiqini bérishtin hergizmu chékinmeydighanliqimizni bilip qélishini xalaymen» dédi.
