türkiye kabulda meydangha kelgen adem bomba hujumini qattiq eyiblidi
türkiye, afghanistanning paytexti kabuldiki bir toy merikiside tünügün kéche meydangha kelgen adem bomba hujumini qattiq eyiblidi we afghanistangha teziye bildürdi.
türkiye awazi radiyosi xewiri: türkiye jumhuriyiti tashqi ishlar ministirliqi bu heqte yazma bayanat élan qilip, kabulda tünügün meydangha kelgen térrorluq hujumida köp sanda ademning jénidin ayrilghanliqi we nurghun kishining yarilanghanliqidin qayghurush ichide xewer tiplghanliqini qeyt qildi. bayanatta, «bigunah kishilerni hujum obéykti qilghan bu insan qélipidin chiqqan térrorluq qilmishini qattiq eyibleymiz, hayatidin ayrilghanlargha allahtin rehmet, yaridarlargha téz shipaliqlar tileymiz, dost afghanistan hökümiti bilen qérindash afghanistan xelqige teziye bildürimiz» dégen ibarilerge orun bérildi.
afghanistanda mushu yilning béshidin buyanqi eng qanliq térrorluq weqesi bolghan tünügünki hujumda, ayallar we balilar bolup jemiy 63 adem jénidin ayrilghan, 182 adem yarilanghanidi.
