«<firat deryasi> ning sherqiy qismi térrorchilardin tazilinidu»

tashqi ishlar ministiri mewlüt chawushoghlu «firat deryasi» ning sherqiy qismining qandaq bolushidin qetiynezer térrorchilardin tazilinidighanliqini éytti.

«<firat deryasi> ning sherqiy qismi térrorchilardin tazilinidu»

türkiye awazi radiyosi xewiri: chawushoghlu tünügün qurban héyt munasiwiti bilen adalet we tereqqiyat partiyesining antalya wilayetlik shöbiside ötküzülgen héytlishish murasimida bu heqte toxtalghanda, mundaq dédi: «süriyede afrin rayonini térrorchilardin qandaq tazilanghan bolsaq, jerablusni daésh térrorchiliridin qandaq tazilanghan bolsaq, <firat deryasi> ning sherqiy qisminimu bölgünchi térrorluq teshkilati  y p g/p k k térrorchiliridin shundaq tazilaymiz. qandaq bolushidin qetiynezer, bu rayonni térrorchilardin choqum tazilaymiz. bu heqtiki pilanimizda héchqandaq özgirish yoq. amérika qoshma ishtatliriningmu buningdin kéyin munbichtikige oxshash bizni qaymuqturush basquchini qollinishigha yol qoymaymiz.»

türkiyening diplomatiye jehettin saqliniwatqan mesililerni hel qilip kéliwatqanliqini eskertken chawushoghlu,  dölet ichi-sirtida térrorizmgha qarshi  küreshni izchil dawamlashturuwatqanliqlirini tekitlep mundaq dédi: «shimaliy iraqtimu eng axirqi térrorchi yoqitilghangha qeder térrorizmgha qarshi  kürishimizni qetiy dawamlashturimiz, dölet ichidiki térrorchilarni qandaq tazilighan bolsaq, u yerdiki térrorchilarnimu shundaq tazilaymiz. bu heqte buningdin bashqa yolmu yoqtur.»



مۇناسىۋەتلىك خەۋەرلەر