türkiyeni «F-35» pirogrammisidin chiqiriwétish natogha selbiy tesir körsitidu

türkiye awazi radiyosi xewiri: dölet mudapie ministiri hulusi akar, armiye qomandanliq ishtabi bashliqi yashar güler, quruqluq armiye qomandani ümit dündar, déngiz armiye qomandani adnan özbal we hawa armiye qomandani hasan küchükakyüz bilen süriye chégrasidiki herbiy qisimlarni tekshürüshte bolghandin kéyin, anadolu agéntliqining küntertip heqqidiki soallirigha jawab berdi.

u amérikaning türkiyeni «F-35» pirogrammisidin chiqiriwétish qarari üstide toxtilip, türkiyening nahayiti éghir bolghan hawa we bashqurulidighan bomba tehditliri astida turuwatqanliqini alahide eskertti.

u türkiyening 2000-yillarning béshidin tartip dawamlashturup kelgen yiraq musapiliq rayon xaraktérlik hawa we bashqurulidighan bomba mudapie sistémisi sétiwélish xizmetlirige istratégiyelik ortaq bolghan amérikaning bergen jawablirining, bekla kéchikkenlikini we qanaetlinerlik bolmighanliqini bildürdi. u mundaq dédi:

«bu dairide <S-400> sétiwélish, tallash mesilisi bolushtin halqip mejburiyetke aylandi. <F-35> layihesining muhim shériki bolghan we barliq mesuliyitini toluq ada qilghan türkiyening bir tereplimilik, shundaqla adil bolmighan qarar bilen layihe hemde hessiliridin chiqiriwétishke urunushning, bir yolluq sewebke tayanmighanliqi nahayiti éniq.»

u amérika terep élan qilghan bayanatlarning bir tereplime ikenlikini, ittipaqdashliq rohigha uyghun kelmeydighanliqini eskertip: « F-35pirogrammisidin chiqiriwétilishimiz, natoning bolupmu jenubiy qanitidiki küchige selbiy tesir körsitidu. amérikaning bu qararidin waz kéchishini we munasiwetlirimizge ziyan salidighan ishlardin yiraq turushni kütüsh, istratégiyelik shérik bolush süpitimiz bilen eng eqelliy heq-hoquqimizdur» dédi.