türkiyening musul konsolxanisi pat yéqinda ish bashlaydu
türkiyening musul konsolxanisi pat yéqinda qaytidin ish bashlaydu.
türkiye awazi radiyosi xewiri: türkiyening baghdadta turushluq elchisi fatih yildiz, musul konsolxanisining pat yéqinda ish bashlaydighanliqini bildürdi.
iraqning musul shehiride uchrishishlar élip barghan elchi yildiz musul wilayetlik mejlisi, musul uniwérsitéti we musul soda-sanaetchiler uyushmisi qatarliq orunlarni ziyaret qildi.
elchi yildiz musul waliy mehkimisi binasida waliy mensur el marid bilen qoshma axbarat élan qilish yighini ötküzdi.
musul bilen türkiye otturisida tarixiy we medeniyet jehetlerde chongqur munasiwet barliqini éytqan elchi yildiz, musuldiki yerlik orunlar bilen qatnash, meblegh we soda qatarliq sahelerde hemkarliq ornitish üchün tirishiwatqanliqlirini bildürdi.
elchi yildiz musulning iqtisadiy we asasiy qurulush xizmetlirining tereqqiy qilishi lazimliqini éytti.
türkiyening musul konsolxanisining qaytidin ish bashlishi üchün iraq merkez hakimiyitidin bu yil iyunda ruxset alghanliqini éytqan yildiz: musul konsolxanisi pat yéqinda ish bashlaydu, dédi.
fatih yildiz musulgha qarashliq sinjardiki bölgünchi térrorluq teshkilati p k k gha qarshi zerbe bériliwatqanliqini bildürüp, bu jehette yerlik orunlarning türkiye armiyesige yéqindin masliship bériwatqanliqini éytti.
