amérikining türkiyege teyinligen yéngi bash elchisi enqerege yétip keldi

türkiye awazi radiyosi xewiri: bash elchisi déywid satérféyldni paytext enqerede amérikining enqerede turushluq diplomati jéfréy m.howéniér kütüwaldi.

amérikining enqerediki elchixanisidiki tiwittér adrésida uchur tarqitip, «amérika qoshma ishtatlirining enqerede turushluq bash elchilikige teyinlengen déywid m. satérféyldning bügün enqerege yétip kelgenlikini uqturushtin xushalliq hés qilmaqtimiz. türkiyege xush keldingiz!» dégenlerni qeyt qildi.

amérika pirézidénti donald tramp, 2017 – yili wezipe öteshke bashlighandin kéyin, shu yili ichide türkiyediki wezipe ötesh mudditi toshqan amérikining enqerede turushluq bash elchisi jon basni afghanistanda turushluq bash elchilikke teyinligenidi.

bas enqeredin ketkendin kéyinki bir yérim yilgha yéqin waqittin buyan türkiyeee bash elchi teyinlenmigenidi.

tramp, aridin bir yérim yil ötkendin amérikining enqerede turushluq bash elchilikige déywid satérféyldni namzat körsitidighanliqini uqturghanidi.

amérika palatasi 28 – iyunda déywid satérféyldning bash elchilik wezipisini testiqlighanidi.