istanbulluqlar sheherlik hökümetning bashliqini saylash üchün bélet tashlimaqta

türkiye awazi radiyosi xewiri: saylamda adalet we tereqqiyat partiyesi bilen milliyetchi heriket partiyesi (yeni jumhur ittipaqi)ning namzati binali yildirim, jumhuriyet xelq partiyesi we iyi partiye (yeni millet ittipaqi)ning  namzati ekrem imamoghlu hemde saadet partiyesining namzati nejdet gökchinar bilen weten partiyesining namzati mustapa ilker yüjel riqabetleshmekte.

bügünki saylamda istanbulning 39 nahiyeside yashaydighan 10 milyon 560 ming 963 kishi bélet tashlaydu.

31 – mart saylimidiki bélet tashlighuchilar tizimliki héchqandaq özgertish kirgüzülmestin bu saylamdimu ishlitilidu. bu qétimqi saylam yéngilash xaraktérliq saylam bolghanliqi üchün, bu jeryanda 18 yishigha yetken yaki eskerliktin qaytip kelgenler bélet tashliyalmaydu.

etigen saet 08:00 de bashlanghan bélet tashlash paaliyiti chüshtin kéyin saet 17:00 de axirlishidu.

saylamning netijisi aliy saylam komitétining tarqitish bérish cheklimisi bikar qilinghandin kéyin élan qilinidu.

türkiye aliy saylam komitéti, 31 – marttiki saylamdin kéyin, adalet we tereqqiyat partiyesining étirazigha asasen, 6 – mayda istanbul sheherlik hökümet bashliqi saylimining yéngilinishigha qarar qilghanidi.