istanbuldiki sheherlik hökümet saylimining bélet tashlash mudditi axirlashti
istanbul xelqi aldimizdiki 5 yil boyiche wezipe öteydighan sheherlik hökümet bashliqini saylap chiqish üchün bélet tashlidi.
türkiye awazi radiyosi xewiri: saylamda adalet we tereqqiyat partiyesi bilen milliyetchi heriket partiyesi (yeni jumhur ittipaqi)ning namzati binali yildirim, jumhuriyet xelq partiyesi we iyi partiye (yeni millet ittipaqi)ning namzati ekrem imamoghlu hemde saadet partiyesining namzati nejdet gökchinar bilen weten partiyesining namzati mustapa ilker yüjel riqabetleshti.
etigen saet 08:00 de bashlanghan bélet tashlash paaliyiti chüshtin kéyin saet 17:00 de axirlashti.
saylamning netijisi aliy saylam komitétining tarqitish bérish cheklimisi bikar qilinghandin kéyin élan qilinidu.
türkiye aliy saylam komitéti, 31 – marttiki saylamdin kéyin, adalet we tereqqiyat partiyesining étirazigha asasen, 6 – mayda istanbul sheherlik hökümet bashliqi saylimining yéngilinishigha qarar qilghanidi.