türkiye amérikining diniy erkinlik doklatidiki ibarilerge naraziliq bildürdi

türkiye awazi radiyosi xewiri: türkiye jumhuriyiti tashqi ishlar ministirliqi bayanatchisi hami aqsoy yazma bayanat élan qilip, amérika qoshma ishtatlirining fethullahchi térrorluq teshkilati toghrisidiki pozitsiyesini eyiblidi.

hami aqsoy, fethullahchi térrorluq teshkilati kattibéshining «musulman waiz we siyasiy aktiyor» dep atilishining, doklatning eng béshidin tartipla qaysi qatlamlarning tesiri we qandaq yaman niyetler bilen qelemge élinghanliqining roshen körsetküchi ikenlikini tekitlidi.

u sözini dawamlashturup, «bu, xainlarche herbiy – siyasiy özgirish qozghashqa urunush herikiti (fethullahchi térrorluq teshkilatining 2016 – yili 15 – iyuldiki herikiti) ni qollash démektur. ittipaqdash bir dölette démokratiyege zerbe bérishke urunghanlarni bigunah bir diniy zat qilip süpetleshliri, ikki yüzlük pozitsiyede bolushtur» dédi.

amérikiliq rahib andréw brundson toghrisida toxtalghan aqsoy, brunsonning diniy étiqadiy yüzisidin emes, térrorizm bilen chétishliqi bolghanliqi tüpeyli üstidin höküm élan qilinghanliqini, edliyening qararigha asasen jazasini tartip bolghandin kéyin qoyup bérilip dölitige qaytqanliqini xatirilitip ötti.

hami aqsoy, shundaq bolushigha qarimay, brunson dewasigha doklatta keng orun bérilip, diniy erkinlikining depsende qilinghandek qilip körsitilishke urunulghanliqining, amérika dairilirining mesilini suyiistémal qilishni dawamlashturush we türkiyeni naheq shekilde eyiblesh tirishchanliqidin bashqa bir nerse emeslikini eskertti.