erdoghan tajikistan pirézidénti imameli rehman bilen körüshti
erdoghan tajikistan pirézidénti imameli rehman bilen pirézédéntliq sariyida uchrishish élip bardi.
türkiye awazi radiyosi xewiri: jumhur reis rejep tayyip erdoghan 5 – nöwetlik asiya hemkarliqi we bixeterlikini ashurush kéngishi dölet we hökümet reisliri yighini munasiwiti bilen tajikistanning paytexti düshenbediki uchrishishlirini bashlidi.
erdoghan kéngesh yighinidin ilgiri tajikistan pirézidénti imameli rehman bilen pirézédéntliq sariyida körüshti. uchrishish texminen yérim saet dawamlashti.
5 – nöwetlik asiya hemkarliqi we bixeterlikini ashurush kéngishi dölet we hökümet reisliri yighinining nöwetchi reisi shundaqla tajikistan pirézidénti imameli rehman yighin bashlinishtin ilgiri her qaysi dölet rehberlirini didor zalida qol éliship qarshi aldi.
jumhur reis rejep tayyip erdoghan 5 – nöwetlik asiya hemkarliqi we bixeterlikini ashurush kéngishi dölet we hökümet reisliri yighini ishtirakchiliri bilen xatire resimige chüshti.
erdoghan resimdiki rette qatar emiri sheyix temim bin hamid alsani we qazaqistan pirézidénti qasim jömert toqayiwning otturisida orun aldi.
erdoghan andin bashqa dölet rehberliri bilen yighingha qatnashti.
erdoghan yighin bashlinishtin ilgiri yéghin zalida rusiye pirézidénti putin bilen öre turup söhbetleshti. söhbet jeryanida erdoghangha tashqi ishlar ministiri mewlüt chawushoghlu, xezine we maliye shliri ministiri berat albayraq we jumhur reislik uchur – alaqe ishliri bashliqi fexrittin altun hemrah boldi.
her qaysi dölet rehberliri tajikistan pirézidénti imameli rehmanning yighin qatnashquchilirining sheripige béridighan ziyapitige ishtirak qilidu.
