«amérikigha yéngi delil – ispatlar bérildi»

türkiye awazi radiyosi xewiri: ministir gül bu heqte élan qilghan bayanatida, türkiyening fethullahchi térrorluq teshkilati mesilisidiki pozitsiyesini amérika dairilirigha eng yüksek sewiyede bildürgenlikini tekitlep mundaq dédi: «türkiyege nisbeten nahayiti zor ehmiyetke ige bir mesile hésablinidighan fethullahchi térrorluq teshkilatining kattibéshi fethullah gülenning türkiyege qayturulush basquchi heqqide amérika dairiliri bilen keng dairilik söhbet élip barduq. 2016 – yili 15 – iyul künidiki herbiy – siyasiy özgirish teshebbusining fethullahchi térrorluq teshkilati bilen biwasite chétishliqi barliqigha alaqidar delil – ispatlar we höjjetlerni amérika dairiliri bilen ortaqlashtuq, jümlidin bu yéngi we muhim delil – ispatlarni amérika qoshma ishtatliri edliye ministiri wilyém bargha yetküzduq. ministir wilyém barmu biwasite bu mesilini közitidighanliqini hem bu mesilige biwasite köngül bölidighanliqini tekitlidi. bu heqte közge körünerlik netije hasil qilinishigha tilekdashmen. ministir wilyém bar tejribilik qanunshunas hem dölet erbabidur. shunga fethullahchi térrorluq teshkilatigha alaqidar yéngi delil – ispatlarning biwasite uninggha tapshurulushi bu basquchning téz tamamlinishi jehettin nahayiti zor ehmiyetke ige.»