oktay: türkiye hemishe qérindashlirini baghrigha basidu
muawin jumhur reis fuat oktay türkiyening hemishe qérindash milletlerni baghrigha basidighanliqini éytti.
türkiye awazi radiyosi xewiri: ukrainaning paytexti kiyéwgha yétip bérip, aldinqi yili ötküzülgen pirézidént saylimida ghelibe qilip, pirézidéntliqqa saylanghan zéléniski üchün ukrainaning paytexti kiyéwda ishqa ashurulghan wezipe tapshuruwélish we qesem ichish murasimigha ishtirak qilghan muawin jumhur reis fuat oktay, türkiyening kiyéw bash elchixanisida, ukraina yashawatqan gagawuz türkliri, ahasika türkliri we qirim tatarlirining wekilliri bilen körüshti.
uchrishishta, gagawuz türkliri, ahasika türkliri we qirim tatarlirining wekilliri türkiyening yardemliri munasiwiti bilen oktaygha rehmet éytti.
muawin jumhur reis fuat oktay türkiyening hemishe we herqandaq shert – sharaitta qérindash milletlerni baghrigha bésip hem yardem bérip kéliwatqanliqini, buningdin kéyinmu shundaq qilidighanliqini tekitlidi.
zéléniski murasimdin kéyin mariyinski saryida tebriklerni qobul qilghanda, dölitimiz muawin jumhur reisi fuat oktay zéléniskini tebrikligen, hemde jumhur reis rejep tayyip erdoghanning tebriknamisini zéléniskige sunghanidi.
