y t b bashliqi abdullah eren we hemrahliqidiki heyet shimaliy süriyede ziyarette boldi
türkiye sirtidiki türkler we qérindash türkiy milletler orgini (y t b) bashliqi abdullah eren we hemrahliqidiki heyet, süriyening shimalidiki térrordin xaliylashturulghan firat qalqini we zeytun shéxi herbiy herikiti rayonlirini ziyaret qildi.
türkiye awazi radiyosi xewiri: abdullah eren we hemrahliqidiki heyet, kilisning u teripidiki süriye zéminlirigha jaylashqan azez, bab we chobanbey rayonliridiki maarip xizmetlirini neq meydangha bérip közdin kechürdi, mehelliy uniwérsitétlarni ékskursiye qildi.
heyet, türkiye sirtidiki türkler we qérindash türkiy milletler orgini teripidin chobanbeyge afrin herbiy herikitining tunji shéhiti bolghan musa özalqanning wesiyitige asasen saldurulghan kültür merkizide bérilgen iptarda yétim- yésirlar we ayon ahalisi bilen körüshti.
süriyediki ichki urush yüzisidin telim – terbiyesini yérim yolda toxtitip qoyushqa mejbur bolup qalghan nurghun yashning akadémik hayatigha hemnepes bolush meqsitide türkiye sirtidiki türkler we qérindash türkiy milletler orginining bir qatar xizmetlerni ishlewatqanliqini bildürgen abdullah eren, bu yashlarning süriyening qaytidin qurup chiqilishida muhim rollarni oynaydighanliqini éytti.
bu nuqtida türkiye sirtidiki türkler we qérindash türkiy milletler orginining süriyeliklerning aliy maaripini dawamlashturushi jehette nahayiti muhim mesuliyiti barliqini eskertken eren, «türkiyede süriyeliklerning aliy maaripigha alaqidar mesuliyetni orginimiz ada qilidu. süriyelik oqughuchilarning lagérlarda we sheher merkezliridiki oqushlirigha hesse qoshuwatimiz. térrordin xaliylashturulghan bu rayonlarda bolsa, aliy maaripni dawamlashturush üchün közitish we türkmen qérindashlirimiz bilen bashqa tughqan xelqlirimiz bilen körüshüshni xaliduq» dégenlerni qeyt qildi.
