erdoghan dodik bilen qoshma axbarat élan qilish yighini ötküzdi
jumhur reis rejep tayyip erdoghan bosniye – gértségowina pirézidént kéngishining bashliqi milorad dodik bilen qoshma axbarat élan qilish yighini ötküzdi.
türkiye awazi radiyosi xewiri: jumhur reis erdoghan jumhur reislik sariyida, bosniye – gértségowina pirézidént kéngishining bashliqi milorad dodik we kéngesh ezasi shéfiq karférowich bilen ayrim – ayrim we heyetler ara uchrishishlarni élip barghandin kéyin, qoshma axbarat élan qilish yighini ötküzdi, hemde kéngesh ezaliri bilen élip bérilghan uchrishishta, asasliq mesililerning muzakire qilinghanliqini tekitlep mundaq dédi: «biz imzalighan <erkin soda kélishimi> tijaret hejmini 1 milyard dollargha yetküzüshte muhim rol oynaydu. yene biz imzalighan <sarayiwo – bélgrad tash yol kélishim layihesi> mu bosniye – gértségowinaning tereqqiy qilishida türtkilik rol oynaydu.»
énérgiye, dölet mudapiesi, sayahet, yéza igilik owe charwichiliq qatarliq sahelerde tashlinidighan qedemlerningmu küntertiplirining eng aldinqi qataridin orun aldiighanliqini eskertken jumhur reis rejep tayyip erdoghan, mundaq dep körsetti: «bolupmu <türk éqimi> liniyesining bosniye – gértségowinaghimu yetküzülüshi üchün qolimizdin kélishiche yardemde bolimiz.»
bosniye – gértségowina pirézidént kéngishining bashliqi milorad dodik bolsa, bosniye – gértségowinaning yawropa – atlantik organliri bilen pütünlüshishi yolidiki gheyretliri we shimaliy atlantik ehdi teshkilatigha ezaliqi qatarliq mesililerdimu türkiyening bosniye – gértségowinani qizghin qollap kéliwatqanliqini tekitlidi.
u, bosniye – gértségowinaning «türk éqimi» liniyesi layihesige daxil bolushi toghriliqmu toxtilip mundaq dédi: «türkiyeni gherb bilen tutashturidighan bu liniyege bosniye – gértségowinaningmu daxil bolushi nahayiti zor ehmiyetke ige.»
