erdoghan: türkiye yeklengen F-35 layihesi weyran bolushqa mehkumdur
jumhur reis rejep tayyip erdoghan, istanbulda échilghan 14 – nöwetlik xelqara mudapie sanaiti yermenkisi «IDEF 19»da muhim söz qildi.
türkiye awazi radiyosi xewiri: erdoghan, türkiyening mudapie sanaitide layiheleshtin tartip ishlepchiqirishqiche bolghan barliq sahelerde gépi ötidighan halgha kélish nishanigha qedemmu qedem yéqinlishiwatqanliqini bildürüp, «türkiye, siyasiy, diplomatik we iqtisadiy sahedikige oxshashla mudapie sahesidimu héchbir téngishni qobul qilmidi, qilmaydu. türkiye yeklengen F-35 layihesi pütünley weyran bolushqa mehkumdur» dédi.
türkiyening qoralliq we qoralsiz uchquchisiz hawa apparatliri jehette dunyada gépi ötidighan nuqtigha yetkenlikini tekitligen erdoghan, «hazir biz özimizning milliy jeng ayropilanimizni ishlepchiqirish yolida téz – téz qedem tashlashqa bashliduq. inshaallah, hawa armiyemizning buningdin kéyinki filolirida öz milliy jeng ayropilanlirimiz éghir salmaqni igileydu» dédi.
